سياسة الخصوصية
آخر تحديث: 12 أكتوبر 2026
"EGXIA" بيحترم خصوصيتك. الصفحة دي بتشرح إيه البيانات اللي بنجمعها منك، ليه، وإزاي بنستخدمها - باستخدامك للموقع أو التطبيق، انت موافق على اللي مذكور هنا.
البيانات اللي بنجمعها - بريدك الإلكتروني وكلمة المرور وقت إنشاء الحساب، خدمة تسجيل دخول موثوقة, إحنا مش بنشوف أو بنخزن كلمة المرور نفسها فى أي وقت - بيتم تشفيرها بالكامل. حالة اشتراكك - بنتأكد هل اشتراكك فعّال، وتاريخ انتهائه، ومرجع العملية من وسيلة الدفع - من غير ما نخزن رقم بطاقتك أو أي بيانات دفع حساسة، دي بتتعامل معاها Google مباشرة. قائمة المتابعة - قايمة الأسهم اللي بتتابعها متخزنة على جهازك أنت بس محليًا فى المتصفح أو التطبيق - مش بترفع لسيرفراتنا خالص. بيانات تقنية أساسية - زي أي موقع، السيرفر المستضيف (Railway) بيسجل بيانات وصول عادية (وقت الطلب، عنوان IP) لأغراض تشغيلية وأمنية بس.
إزاي بنستخدم البيانات دي - علشان نسجّل دخولك، نتحقق من حالة اشتراكك ونفعّل الوصول للمميزات المدفوعة، ونحسّن الخدمة. مش بنبيع بياناتك لأي طرف تالت، ومش بنستخدم بريدك الإلكتروني ولا بيانات حسابك فى الإعلانات.
أدوات القياس والإعلان - لما نعمل حملة إعلانية، بنستخدم أداة قياس من Meta (فيسبوك وإنستجرام) اسمها Meta Pixel. الأداة دي بتحط كوكي على متصفحك وبتبعت لـMeta إن فيه زيارة حصلت للموقع - الصفحة اللى اتفتحت ومعرّف للمتصفح، من غير بريدك الإلكتروني ولا كلمة المرور ولا أى بيانات حساب. الغرض منها حاجة واحدة: نعرف الإعلان اللى دفعنا فيه جاب نتيجة ولا لأ. تقدر توقفها من إعدادات المتصفح بتاعك (منع كوكيز الأطراف التالتة) أو من إعدادات الإعلانات على Meta، والموقع هيفضل شغال عادى.
مشاركة البيانات - بنشارك بيانات محدودة مع أطراف بنعتمد عليها فى تشغيل الخدمة ودفع الاشتراكات بس.
أمان البيانات - كل الاتصال بين جهازك وسيرفراتنا مشفّر (HTTPS). كلمات المرور والجلسات بيتم التعامل معاها عن طريق Supabase Auth، وفريقنا مالوش وصول مباشر لكلمة مرورك.
حقوقك - تقدر فى أي وقت تطلب حذف حسابك وكل بياناتك المرتبطة بيه (البريد الإلكتروني، حالة الاشتراك) - راسلنا على الإيميل تحت وهنتعامل مع الطلب خلال يوم عمل. تفاصيل الطريقة فى صفحة حذف الحساب.
خصوصية الأطفال - الخدمة دي مش موجّهة للأطفال تحت 18 سنة، ومش بنجمع بيانات مقصودة منهم.
تعديلات على السياسة دي - لو حصل أي تغيير جوهري فى السياسة دي، هنحدّث تاريخ "آخر تحديث" فوق الصفحة.
تواصل معنا - لأي سؤال عن الخصوصية أو طلب حذف بيانات: egxinvestassist@gmail.com